Maşallah Əhmədov apellyasiya şikayəti verib

Dələduzluqda təqsirləndirilən tanınmış futbolçu Maşallah Əhmədov barəsində olan hökmdən apellyasiya şikayəti verib. Bunu "Report"a onun vəkili Samir Abdullayev bildirib. Vəkilin sözlərinə görə, apellyasiya şikayəti ötən gün Bakı Apellyasiya Məhkəməsinə təqdim edilib. S.Abdullayev qeyd edib ki, müvəkkilinin ittiham olunduğu dörd epizod üzrə M.Əhmədova bəraət, bir epizod üzrə isə həbslə bağlı olmayan cəzanın verilməsini istəyir. İşə yaxın günlərdə baxılacaq. Qeyd edək ki, M.Əhmədov 2015-ci ilin dekabr ayının 14-də Binəqədi Rayon Polis İdarəsinin əməkdaşları tərəfindən saxlanılıb. Rəsmi məlumata görə, bizneslə məşğul olan "Neftçi"nin keçmiş futbolçusu Bakıda bir neçə nəfərə 150 min manatdan artıq dəyərdə xaricdən daş plitə gətirəcəyini vəd edib. Lakin M.Əhmədov sözünə əməl etməyib, həmin şəxslərin pulunu da qaytarmayıb. Dekabrın 16-da Binəqədi Rayon Məhkəməsində M.Əhmədov barəsində üç ay müddətinə həbs qətimkan tədbiri seçilib. Qərardan narazı qalan veteran futbolçu apellyasiya şikayəti ilə Bakı Apellyasiya Məhkəməsinə müraciət edib. Lakin apellyasiya şikayəti təmin edilməyib. Dekabrın 30-da isə Binəqədi Rayon Məhkəməsi M.Əhmədov barəsində seçilmiş həbs qətimkan tədbirini ləğv edib. Tanınmış futbolçu ev dustaqlığına buraxılıb. Ötən il avqust ayında isə M.Əhmədovun işi üzrə ibtidai istintaq yekunlaşaraq Bakı Ağır Cinayətlər Məhkəməsinə göndərilib. Amma prokurorluq cinayət işini ibtidai istintaqa qaytarılması barədə qərar çıxarıb. İş yenidən ibtidai istintaqda araşdırılıb. Xatırladaq ki, Azərbaycan futbolunun ən güclü hücumçularından olan M.Əhmədov 1959-cu ildə Gəncədə anadan olub. O, 1977-ci ildən "Neftçi" klubunda oynayıb. M.Əhmədov 1995-ci ildə əsas milli komandada məşqçi, U-21-də isə baş məşqçi funksiyasını yerinə yetirib. O, 2008-ci ilin dekabrından etibarən İsgəndər Cavadovun rəhbərlik etdiyi Azərbaycan Regional Futbol Federasiyaları Assosiasiyasının vitse-prezidentidir. Bakı Ağır Cinayətlər Məhkəməsinin hökmü ilə M.Əhmədov 8 il müddətinə azadlıqdan məhrum edilib.

Tarix
17 Fevral [12:01]
Müəllif
Ucnoqta.az
Digər xəbərlər

İsmayıllıda ev yanıb

Lənkəranda 60 yaşlı qadın faciəvi şəkildə ölüb

Bakıda soyğunçuluq edən şəxs polisə və özünə bıçaqla xəsarət yetirib

Faktla əlaqədar cinayət işi başlanılıb

İsraildə futbol oyunu zamanı qarşıdurma yaratmış 28 azarkeş saxlanılıb

Saxlanılanlar barəsində hər hansı inzibati cəzanın verilib-verilməməsi haqda məlumat verilmir

“Chevrolet” yandı - Şirvanda

Yanğın yanğınsöndürənlər tərəfindən söndürülüb

Yaşayış binasında yanğın - 21 nəfər xəsarət alıb

Polis yanğının baş verməsi səbəblərini araşdırır

Ağdamda minik avtomobili yanaraq kül olub - VİDEO

Ağcabədi sakini əlində partlayan naməlum əşyadan üç barmağını itirdi

Bakıda iki nəfər dəm qazından öldü

Astarada 12 otaqlı ev yanıb

Xəbər xətti
Çox oxunanlar
Köşə yazıları
Sorğu
İşğal altında olan torpaqların hansı yolla qaytarılmasına tərəfdarsan?
 müharibə
 sülh
 bilmirəm
Maraqlı

Bakı şəh,Yasamal rayonu,

Mikayıl Müşfiq küç 15/17

Tel: (012) 539-19-05,539-19-04

Email: [email protected]

Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir.