İsveçrənin Davos şəhərində keçirilən Dünya İqtisadi Forumu (WEF) WEF prezidenti və baş icraçı direktoru Börge Brende ilə məhkum edilmiş amerikalı maliyyəçi Ceffri Epşteyn arasında əlaqələri aşkar edən sənədlərin dərc olunmasından sonra araşdırmaya başlayıb.
Ucnoqta.az xəbər verir ki, bu barədə Neue Zürcher Zeitung (NZZ) qəzeti məlumat verib.
NZZ-nin məlumatına görə, ABŞ hakimiyyəti tərəfindən sənədlərin dərc olunmasından sonra Brende WEF Himayəçilər Şurasına məktub göndərib. Məktubda o, amerikalı iş adamı ilə görüşlərini səhv adlandırıb və 2019-cu ilin iyul ayında Epşteynə qarşı iddialar məlum olduqdan sonra WEF-dəki rəhbərlərinə əlaqələri barədə məlumat verdiyini vurğulayıb.
Qəzet qeyd edib ki, dərc olunmuş PDF-lərdə Epşteyn və Brenda arasında 2018 və 2019-cu illərdə dostluq münasibətlərini göstərən çoxsaylı elektron poçtlar və söhbətlər var.