Avropa Komissiyası (AK) Rusiyanı çirkli pulların yuyulması və terrorizmin maliyyələşdirilməsi riski daha yüksək olan üçüncü ölkələr siyahısına əlavə edib.
Ucnoqta.az xəbər verir ki, bu barədə AK-nın mətbuat xidməti məlumat verib.
"Komissiya Rusiyanı çirkli pulların yuyulması və terrorizmin maliyyələşdirilməsinə qarşı mübarizə (ÇPM/TƏM) üzrə milli çərçivələrində strateji çatışmazlıqları olan yüksək riskli ölkələr siyahısına əlavə etməklə AB maliyyə sisteminin bütövlüyünü qorumaq üçün addımlar atır" - açıqlamada deyilir.
Qaydalar Avropa Parlamenti və Şura tərəfindən bir ay ərzində nəzərdən keçirildikdən sonra qüvvəyə minəcək.