Naməlum şəxslər Almaniyada mülki bir yük maşınından Bundesver (Almaniya Silahlı Qüvvələri) üçün nəzərdə tutulmuş təxminən 20.000 patron oğurlayıblar.
Ucnoqta.az bildirir ki, bu barədə Der Spiegel jurnalı məlumat verib.
Hadisə ötən həftə, 25 noyabr gecəsi baş verib, lakin bu barədə yalnız 1 dekabrda məlumat verilib. Nəqliyyat şirkətinə məxsus yük maşını Bundesver üçün patron daşıyırdı. Sürücü gecə ərzində Burq şəhəri (Saksoniya-Anhalt federal əyalətində) yaxınlığındakı ictimai dayanacaqda dayanıb.
Naməlum şəxslər yükləmə platformasına girib təxminən 10.000 tapança patronu, 9.900 avtomatik tüfəng üçün blank və tüstü qumbarası oğurlayıblar.
Oğurluq yalnız ertəsi gün, yük maşını sürücüsü patronu çatdırmaq üçün Bundesver kazarmasına gələndə aşkar edilib.
Almaniya Müdafiə Nazirliyi hadisəni nəşrə təsdiqləyib.