Ordu tərəfindən devrildikdən sonra Qvineya-Bisaudan qaçan Umarou Sisoku Embalo Seneqaldan Konqo Respublikasının (RK) paytaxtı Brazzavil şəhərinə gəlib.
Ucnoqta.az xəbər verir ki, France-Presse (AFP) agentliyi bu barədə Konqo hökumət mənbələrinə istinadən məlumat yayıb.
Əldə edilən məlumata görə, Sisoku Embalo müəyyən bir müddət ərzində RK-da qalacaq.
Umarou Sisoku Embalo 26 noyabrda günorta saatlarında prezident sarayındakı ofisində hərbçilər tərəfindən saxlanılıb və dövlət çevrilişi həyata keçirən bir qrup zabit tərəfindən devrilib.
Sisoka Embalo ordunun Baş Qərargah binasına aparılıb və 27 noyabr axşamına qədər orada saxlanılıb. Qərbi Afrika Dövlətlərinin İqtisadi Birliyi (ECOWAS) liderlərinin təzyiqi altında ordu tərəfindən azad edilib və ölkəni tərk etməsinə icazə verilib.
Qonşu Seneqal hökuməti Qvineya-Bisaunun paytaxtı Bisauya təyyarə göndərib və təyyarə Sisoka Embalonu Dakara aparıb.