İsmayıllıda ilk dəfə dəyirmi masa ətrafında problemlər müzakirə olunub - FOTO

İsmayıllıda İnzibati Ərazi Dairəsi üzrə nümayəndələr, bələdiyyələr və aidiyyəti xidmət təşkilatlarının rəhbərləri ilə ilk dəfə dəyirmi masa ətrafında görüş keçirilib.

Görüş Rayon İcra Hakimiyyəti başçısının təklifi və təşkilatçılığı ilə 6 saylı Regional Ekologiya və Təbii Sərvətlər İdarəsinin,Regional Meşə Təsərrüfat Mərkəzinin rəislərinin, eləcə də İƏD üzrə nümayəndə və bələdiyyələrin iştirakı ilə baş tutub.

22 oktyabr tarixində Heydər Əliyev Mərkəzində təşkil olunan görüşdə gündəlikdə duran məsələlər müzakirə olunub. Bildirilib ki, ərazilərdə qaz xətti olmayan sakinlər qışa hazırlıq üçün odun tədarükü ilə təmin olunmalı, qanunsuz ağac kəsiminin qarşısı  alınmalıdır. Əlavə olaraq ərazilərdən qanunsuz qum-çınqıl daşınmasına nəzarətin gücləndirilməsi ilə bağlı müzakirələr aparılıb.

Qeyd edək ki, görüşün əsas məqsədi sakinlərin problemlərini aidiyyəti üzrə təşkilat rəhbərləri ilə yerində müzakirə etməkdən və həlli istiqamətində operativ işlər aparmaqdan ibarət olub.

Bu məqsədlə İƏD üzrə nümayəndə və bələdiyyələrlə aidiyyəti təşkilatların qarşılıqlı qaydada işləmələri ilə bağlı qərar qəbul olunub.

Onu da qeyd edirik ki, bu kimi görüşlər digər xidmət təşkilatları ilə də mütəmadi qaydada təşkil olunacaq.

 

Tarix
22 Oktyabr 2021 [17:44]
Müəllif
Üç nöqtə
2021-10-22 17:44:17
Xəbər xətti
Foto
Video
Çox oxunanlar
Sorğu
İnternetin sürətindən razısınız?
 bəli
 xeyr
 qismən
 bilmirəm
Virtual Qarabağ

Ən son xəbərləri səhifəmizdən də izləyin