Sumqayıtda yol qəzası baş verib.
APA-nın yerli bürosunun məlumatına görə, hadisə şəhərin Koroğlu prospektində, 42-ci məhəllə ərazisində qeydə alınıb.
Belə ki, 99 DA 149 dövlət nömrə nişanlı, “Mercedes” markalı avtomobilin sürücüsü idarəetməni itirərək nəqliyyat vasitəsini aşırıb.
Sürücü yaxınlıqdakı insanların köməyi ilə avtomobildən çıxarılıb.
Xəsarət alan olmasa da, avtomobilə ciddi ziyan dəyib.
Faktla bağlı araşdırma aparılır.
