Rusiyada son 24 saatda 1786 yoluxma faktının aşkarlanması ilə günlük rekord say qeydə alınıb, yoluxanların ümumi sayı 11,917-y ə çatıb.
Bu barədə Rusiya hökümətinin koronavirusla mübarizə üzrə operativ qərargahı açıqlama yayıb. Ümumilikdə 94 nəfər həyatını itirib, 795 pasiyent sağalaraq evinə buraxılıb. Yoluxma və ölüm hallarının sayına görə Moskva (7, 822 yoluxma, 50 ölüm) şəhəri birinci yerdə qərarlaşıb. Bununla əlaqədar olaraq paytaxtda koronavirusla mübarizə tədbirləri gücləndirilib.
Qeyd edək ki, dünya üzrə koronavirusa yoluxanların sayı 1,607,912-yə çatıb, 95,813 nəfər ölüb.///qafqazinfo
