“Koronavirusa qarşı peyvəndin ilk sınaqlarına başlanılıb”. APA-nın məlumatına görə, bu barədə Dünya Səhiyyə Təşkilatının (ÜST) baş direktoru Tedros Adhanom Qebreyesus COVID19 ilə bağlı keçirdiyi brifinqdə bildirib. "Bu inanılmaz bir müvəffəqiyyətdir. Koronavirusla mübarizə çərçivəsində bir araya gələn tədqiqatçıları alqışlayırıq", - deyə ÜST rəhbəri vurğulayıb. O, koronavirusun qarşısının alınmasına kömək edəcək peyvəndin ilk sınağına sözügedən virusun meydana gəlməsindən təxminən iki ay sonra başlanıldığını vurğulayıb.