"Elektron Hökumət portalı bu gün tam gücü ilə işləyə bilmir".
Ucnoqta.az "Report"a istinadən xəbər verir ki, bunu Prezident yanında Vətəndaşlara Xidmət və Sosial İnnovasiyalar üzrə Dövlət Agentliyinin sədri Ülvi Mehdiyev deyib. O bildirib ki, Elektron Hökumətə daxil olacaq qurumların həm E-Hökumətə, həm də onların bir-birinə inteqrasiyasına əlavə vəsait tələb olunur: "Qurumlarda əlaqəli olan xidmətlərlə bağlı təhlil aparanda, üzləşdirəndə çox ciddi, uzlaşmayan nöqtələr aşkar olunur, hamımız bunu gündəlik həyatımızda görürük".
Sədrin sözlərinə görə, xidmətlərlə bağlı təhlillər vahid bir sistem üzərində aparılsa, hər bir qurum digər qurumdan ona zəruri olan informasiyanı elektron qaydada alıb özünün uçot-təhlil sistemində uzlaşdıra biləcək, bu da bir sıra çətinlikləri aradan qaldıracaq.