Avropa Liqasının “Qarabağ” – “Arsenal” oyununa indiyədək satılan biletlərin sayı açıqlanıb.
Klubun rəsmi "Facebook" səhifəsində verilən məlumata görə, bu günədək 37 mindən çox bilet satılıb.
Stadion 68 700 nəfərlik olduğu üçün bu, biletlərin 50 faizdən çoxunun satılması deməkdir.
Biletlərin qiymətləri 2 manat, 5 manat, 15 manat, 20 manat və 50 manatdır. Onları Qarabağ FK Fan-şop (“Park Bulvar”), iTicket kassaları, Sumqayıt şəhəri (ASAN Xidmət), “28 Mall” və “Gənclik Mall”dan almaq mümkündür.
Qeyd edək ki, “Qarabağ” – “Arsenal” oyunu oktyabrın 4-də Bakı Olimpiya Stadionunda saat 20:55-də başlayacaq.oxu.az