UEFA “Qarabağ” klubuna maliyyə vəsaiti ayırıb.
Ucnoqta.az AFFA-nın saytına istinadən xəbər verir ki, “Qarabağ”ın UEFA Avropa Liqasında iştirakı və son 10 ildə performansına görə Avropa futbol qurumu tərəfindən kluba 4 milyon 35 min 740 avro maliyyə vəsaiti ayrılıb. Vəsait AFFA-nın vasitəçiliyi ilə “Qarabağ” klubunun hesabına köçürülüb. Ağdam təmsilçisi Avropa Liqasinda iştirakı üçün (48 kluba bu məbləğ ayrılıb) – 2 milyon 750 min avro, əmsalların sıralamasına əsasən, son 10 ildəki çıxışına görə isə “Qarabağ” 1 milyon 285 min 740 avro qazanıb.