Avropa Liqasında 1/4 final mərhələsinin cavab oyunlarının ən yaxşı futbolçusu bəlli olub. Ucnoqta.az xəbər verir ki, "Report"un UEFA-nın rəsmi saytına istinadən verdiyi məlumata görə, həftənin oyunçusu adına İngiltərə "Arsenal"ının yarımmüdafiəçisi Məhəmməd əl-Nenni layiq görülüb. O, qurumun rəsmi saytı tərəfindən aparılan səsvermədə 84 faiz səs toplayıb. Fransanın "Marsel" klubunun futbolçusu Dimitri Payet 10 faiz səslə ikinci, Avstriyanın "Zaltsburq" komandasının oyunçusu Amadu Aydara isə 4 faiz səslə 3-cü yeri tutub. Qeyd edək ki, "Marsel" "Zaltsburq" ilə, "Arsenal" isə İspaniyanın "Atletiko" (Madrid) klubu ilə üz-üzə gələcək.