Futbol üzrə Argentina millisi və "Barselona" (İspaniya) klubunun hücumçusu Lionel Messi yoldaşlıq matçında İspaniyanın argentinalıların qapısına vurduğu 6-cı qoldan sonra (6:1) tribunanı tərk edib. Ucnoqta.az “Report”a istinadən xəbər verir ki, Messi məşq zamanı cüzi zədə aldığından oyunda iştirak edə bilməyib. İspaniyaya məğlubiyyət Argentina üçün antirekordun təkrarı olub. 1958-ci ildə Argentina eyni hesabla Çexoslovakiyaya, 2009-cu ildə isə Boliviyaya məğlub olub.