Bu gün Azərbaycan və Makedoniya futbol milliləri qarşılaşacaq. AFFA-dan Trend-ə verilən məlumata görə, millilər arasında yoldaşlıq görüşü martın 27-də saat 20:00-da Antalyadakı “Mardan” stadionunda start götürəcək. Görüşün baş hakimi Halis Özkahya olacaq. Ona həmyerliləri Kamal Yılmaz və Kərəm Ersoy kömək edəcəklər. Matçın dördüncü hakim funksiyasını isə Ali Palabıyık yerinə yetirəcək.