Real Madridin hücumçusu Kriştiano Ronaldo qarışıq döyüş növləri üzrə Rusiya idmançısı Həbib Nurməhəmmədova hədiyyə verib.
“Ucnoqta.az” “Ölkə.Az”-a istinadən xəbər verir ki, bu barədə Nurməhəmmədov özünün instagram səhifəsində video-çarx paylaşıb.
Ronaldo Həbibin izləyicilərini “Assalamu aleykum” sözləri ilə salamlayıb. O rusiyalı idmançıya top və forma hədiyyə edib, əvəzində isə papaq hədiyyə alıb.
“Bu forma ilə Ronaldo bu gün het-trik edib, bu hədiyyə mənim kolleksiyamda xüsusi bir tutacaq”, deyə Nurməhəmmədov digər fotonun altında yazıb.
Qeyd edək ki, idmançı, ulduz futbolçu ilə İspaniya çempionatının 5:2 hesabı ilə bitən Real Madrid - Real Sosyedad qarşılaşmasından sonra görüşüb.