Türkiyədəki təlim-məşq toplanışını başa vurmağa hazırlaşan “Zirə” bu gün sonuncu yoxlama görüşünə çıxıb.
Qol.az-ın məlumatına görə, Ayxan Abbasovun komandası Macarıstanın “Haladaş” klubu ilə qarşılaşıb. “Arcadia” otelinin meydançasında keçiriləcək matç "Zirə"nin məğlubiyyəti ilə başa çatıb - 1:2. Təmsilçimizin yeganə qolunu Vüsal İskəndərli vurub.
Qeyd edək ki, “Zirə” bundan əvvəl Rumıniya “Volentaru”sına qalib (2:0) gəlib, Rusiya “Avanqard”ına uduzub (0:3).