Afrin əməliyyatında YPG terrorçularından ən önəmli qəsəbənin geri alındığı elan edilib.
"Ucnoqta.az" “Qafqazinfo”ya istinadən xəbər verir ki, Darmık dağının ətəyindəki Ali Kar və Zara kəndlərindən sonra Bülbül qəsəbəsi də terrorçulardan azad edilib. Azad Suriya Ordusuna aid sosial media hesabları bu barədə elan verib.
Türkiyə Silahlı Qüvvələri isə Zeytun Budağı əməliyyatında öldürülən terrorçu sayının 790-a çatdığını açıqlayıb.
YPG-lilərin müttəfiqləri ABŞ-dan Türkiyəni durdurmaq üçün yardım istədikləri bildirilir.
TSK və ASO-nun birgə yürütdüyü Afrin əməliyyatında strateji Burseya dağının geri alınmasından sonra PKK/KCK/PYD-YPG-li terrorçular 4 il əvvəl ələ keçirdikləri Kastel Cindo kəndini tərk ediblər. Kəndin azad ediləndən sonra çəkilən ilk fotoları yayılıb.
