İran prezidenti Həsən Ruhani ABŞ-ın Suriyada quracağı 30 min nəfərlik hərbi kontingentin bölgədə gərginliyi artıracağını və müharibə alovunu körükləyəcəyini bildirib.
"Ucnoqta.az" "Ölkə.Az"a istinadən xəbər verir ki, Ruhani, Türkiyə və Rusiya ilə birlikdə ABŞ-ın İŞİD təhlükəsinə qarşı Suriya sərhədinə 30 min sərhəd mühafizə briqadası yerləşdirmə fikrinin əleyhinə çıxış edib.
Tehranda Suriya parlamentinin sədri ilə görüşündə çıxış edən Ruhani deyib: "ABŞ-ın Suriya ilə bağlı yeni planı beynəlxalq hüquqa ziddir. Bu plan Suriyanın müstəqilliyinə qarşı təhdid yaradır. ABŞ regionda müharibə alovunu daha da qızışdırır".