Bu gün səhər saatlarında Bağdadda iki partlayış baş verib.
"Ucnoqta.az" Trend-ə istinadən bildirir ki, İraq DİN partlayışlar nəticəsində azı 6 nəfərin öldüyü barədə xəbəri təsdiqləyib. Daha 24 nəfərin xəsarət aldığı bildirilir.
İlkin məlumata görə, partlayışlardan biri terrorçu-intiharçı tərəfindən törədilib.
İnsidentlə bağlı digər təfərrüatlar verilməyib, partlayışlarla bağlı məsuliyyəti hələ heç kəs üzərinə götürməyib.
Ərazi polis və təhlükəsizlik qüvvələri tərəfindən nəzarətə götürülüb, araşdırma aparılır.