Sudana məxsus Suakin adası Türkiyəyə 99 il müddətinə icarəyə verilib.
"Ucnoqta.az" Trend-ə istinadən bildirir ki, Sudan Prezidenti Ömər əl-Bəşir Suakin adasının Türkiyəyə icarəyə verilməsi haqqında fərman imzalayıb.
Qeyd edək ki, ötən gün Türkiyə Prezidenti Rəcəb Tayyib Ərdoğan Sudana səfəri zamanı rəsmi Ankaranın adada irimiqyaslı yenidənqurma və bərpa işləri görməyə hazır olduğunu bəyan etmişdi.
Xatırladaq ki, Sudanın şimal-şərqində, Şərqi Afrika sahillərində yerləşən Suakin adası əsrlər boyu mühüm ticarət limanı olub.
