Çinin şərqindəki Şandun əyalətində kimya zavodundan güclü partlayış baş verib.
Ucnoqta.az Trend-ə istinadən bildirir ki, partlayışın ardına zavodda güclü yanğın başlayıb.
Son məlumata görə, yanğın nəticəsində 7 nəfər həlak olub, daha 4 nəfər xəsarət alıb.
Hazırda yanğının lokallaşdırılması barədə məlumat verilir.
Partlayışın hansı səbəbdən baş verməsi məlum deyil. Hadisə ilə bağlı araşdırma aparılır.