Bu gün Dağıstanda bir evdə mühasirəyə alınan 3 silahlı məhv edilib.   APA-nın TASS agentliyinə istinadən verdiyi məlumata görə, bu barədə Rusiya Milli Antiterror Komitəsi məlumat yayıb.   Qeyd edək ki, şənbə günü Dağıstanın Qarabudaqkənd rayonunun Qubden kəndində fövqəladə vəziyyət rejimi elan edilib. Bu gün isə kənddə bir evdə silahlıların mühasirəyə alındığını, silahlıların hüquq-mühafizə orqanlarına silahlı müqavimət göstərdiyi barədə məlumat yayılıb.