Gürcüstanın sabiq prezidenti, Odessa vilayətinin keçmiş qubernatoru Mixeil Saakaşvili ekstradisiya oluna bilər.
Ucnoqta.az "Ölkə.Az"a istinadən xəbər verir ki, Ukrayna və Gürcüstan Saakaşvilinin ekstradisiya edilməsi barədə gizli danışıqlar aparır. Bu xəbəri Gürcüstanın "Rustavi-2" kanalı yayıb.
Xəbərə əsasən, siyasətçi Belorusiyaya ekstradisiya ediləcək. Gürcüstan xüsusi xidmət orqanının rəhbəri Vaxtanq Qomelauri artıq Belorusiyaya səfər edib. Səfərin məqsədi proseduru Ukrayna və Belorusiya rəsmiləri ilə müzakirə etməkdir. Qomeluarinin səfərini Gürcüstan xüsusi xidmət orqanları təsdiqləyib.
