Yunanıstanda dövlət və özəl şirkət əməkdaşları 24 saatlıq tətilə başlayıblar.
Ucnoqta.az Trend-ə istinadən bildirir ki, etirazlara səbəb ölkə rəhbərliyinin beynəlxalq kreditlərin təzyiqi altında qəbul etdiyi sərt islahatlardır.
Tətilə ictimai və hava nəqliyyat əməkdaşlarının da qoşulması gözlənilir ki, bu isə Yunanıstan adaları arasında bərələrin və təyyaələrin reyslərini ləğv edə bilər.
Tətilə səhiyyə işçiləri də qoşulub. Xəstəxanada yalnız təcili-tibbi yardım xidmətləri göstəriləcək.
Kütləvi İnformasiya Vasitələri əməkdaşlarının da tətilə qoşulacağı gözlənilir.
Qeyd edək ki, bu ilin may ayında Yunanıstan beynəlxalq kreditorlarla yeni iqtisadi tədbirlər barədə razılığa gəlib ki, bu da ölkə əhalisinin narazılığı ilə qarşılanıb.
