Sabunçu xəstəxanasına aparılıb və orada dünyasını dəyişib
Sentyabrın 23-də saat 22:55 radələrində 50-60 yaşlarında naməlum kişi 3 saylı Sabunçu xəstəxanasına aparılıb və orada həmin şəxs dünyasını dəyişib. DİN-dən Ucnoqta.az-a verilən məlumata görə, həmin şəxs Bakı şəhəri, Xətai rayonu, Zeytun küçəsi 144 ünvanının qarşısından xəstəxanaya aparılıb. Həmin şəxsin əlamətləri belədir- boyu 175 santimetr, gözünün rəngi açıq palıdı. Naməlum şəxs tapılan zaman əynində tünd göy rəngli cins şalvar və qara rəngli 3 düyməli uzunqol köynək olub.
Şəkildə gördüyünüz kişini tanıyanlardan DİN-in “102 Zəng Mərkəzi”nə, həmçinin Xətai Rayon Polis İdarəsinə (012) 422-02-02 telefon nömrələrinə zəng vuraraq məlumat vermələri xahiş olunur.