Salyanda yük avtomobili minik avtomobili ilə toqquşub. Fövqəladə Hallar Nazirliyindən (FHN) verilən məlumata görə, Nazirliyin Böhran Vəziyyətlərində İdarəetmə Mərkəzinə Salyan rayonu ərazisində "Vaz" markalı minik avtomobilinin "Shacman" markalı yük avtomobiliylə toqquşması nəticəsində yol-nəqliyyat qəzasınin baş verməsi barədə məlumat daxil olub. Dərhal Nazirliyin Muğan Reqional Mərkəzinin xilasediciləri hadisə yerinə cəlb olunaraq minik avtomobilində sıxılmış vəziyyətdə qalmış sürücünü çıxarıblar və aidiyyatı üzrə təhvil veriblər. Əməliyyat saat 03:12-də başa çatıb.