ABŞ prezidenti Donald Tramp iyulun 4-də bəyan edib ki, gələn il Ağ Evin ərazisində Ultimate Fighting Championship (UFC) döyüşü keçiriləcək.
Ucnoqta.az xəbər verir ki, o, Ayovada ABŞ-ın Müstəqillik Gününü qeyd etmək üçün keçirilən tədbirdə deyib.
"Təsəvvür edin, biz Ağ Evin ərazisində UFC döyüşü keçirəcəyik. Orada bizim çoxlu torpaqlarımız var. Kiçik arena tikəcəyik" - Amerika lideri qeyd edib.
Trampın sözlərinə görə, bu, ölkənin müstəqilliyinin 250-ci ildönümünün qeyd olunmasının tərkib hissəsi olan 20-25 min tamaşaçı üçün tamhüquqlu şou olacaq.
Bununla belə, Amerika prezidenti döyüşün dəqiq nə vaxt baş verəcəyini və döyüşdə kimin iştirak edəcəyini dəqiqləşdirməyib.