İsrailli girov, həm də ABŞ vətəndaşlığına sahib olan və hazırda Qəzza zolağında saxlanılan Eden Alexander mayın 12-də azad oluna bilər.
Ucnoqta.az xəbər verir ki, bu barədə “The Times of Israel”ə qaçırılan şəxsin azad edilməsi üçün danışıqlar prosesində iştirak edən mənbə bildirib.
Onun sözlərinə görə, danışıqlar komandası qarşısına gələn həftənin əvvəlində - potensial olaraq mayın 12-də bazar ertəsi günü Aleksandrın azad edilməsini təmin etməyi qarşısına məqsəd qoyub.
Bundan əvvəl “Times of Israel” mənbəsi qeyd edir ki, İsrail tərəfində bir sıra tədbirlər görülməlidir, o cümlədən, əvvəlki girovların xilas edilməsi əməliyyatları zamanı olduğu kimi, Qəzza zolağının bir sıra ərazilərində pilotsuz təyyarələrdən istifadə etməklə hərbi əməliyyatlar və hava müşahidəsi dayandırılmalıdır.