Pakistanın paytaxtının təhlükəsizliyinin təmin edilməsində iştirak edən polis və hərbiləşdirilmiş hüquq-mühafizə bölmələri müxalif Ədalət Hərəkatının (JJ) etirazçılarını dağıtmaq üçün əməliyyatı başa çatdırıb.
Ucnoqta.az xəbər verir ki, bu barədə “Dünya News” telekanalı Daxili İşlər Nazirliyinin rəhbəri Möhsin Nəqviyə istinadən məlumat yayıb.
Onun sözlərinə görə, əməliyyat uğurla başa çatdıqdan sonra İslamabadda həyat normallaşacaq.
Nazir qeyd edib ki, ictimai nəqliyyatın fəaliyyətinin bərpası və yol kommunikasiyalarının tezliklə bərpası hökumətin əsas prioritetidir.
Mobil rabitə və internet xidmətləri çərşənbə günü yenidən istifadəyə veriləcək. Nümayişlərə görə müvəqqəti olaraq dayandırılmış paytaxtın təhsil müəssisələrinin işi cümə axşamı bərpa olunacaq.
