İslamabadda müxalif Ədalət Hərəkatı partiyasının təşkil etdiyi etirazçılarla toqquşmalarda 10-u Pakistan hüquq-mühafizə orqanlarının əməkdaşı olmaqla azı 12 nəfər həlak olub.
Ucnoqta.az xəbər verir ki, bu barədə Geo telekanalı məlumat yayıb.
Məlumata görə, Pakistanın hüquq-mühafizə orqanları şəhərin mərkəzi rayonlarını hədəf alan müxalifət tərəfdarları kolonnasının irəliləyişinin qarşısını almaq və iğtişaşları yatırmaq üçün səy göstərir.
Telekanalın məlumatına görə, hazırda 12 nəfərin öldüyü, o cümlədən Reyncerlər dəstəsinin 7 üzvü (Pakistan Daxili İşlər Nazirliyinin hərbiləşdirilmiş bölməsi), 2 polis əməkdaşı və ölkənin sərhəd korpusunun nümayəndəsi olduğu məlumdur.
Toqquşmalar zamanı 100-dən çox polis əməkdaşının yaralandığı və bəzilərinin vəziyyətinin ağır olduğu da bildirilir.
Öz növbəsində Pakistan Nazirlər Kabinetinin rəhbəri Şahbaz Şərif etiraz aksiyalarında iştirak edən müxalif Ədalət Hərəkatı partiyasının tərəfdarlarının ölkənin hüquq-mühafizə orqanlarının əməkdaşlarına hücumlarını pisləyib.