Donald Tramp amerikalı milyarder İlon Maskı super dahi adlandırıb.
Ucnoqta.az xəbər verir ki, Tramp Floridadakı mülkündə çıxış edən zamanı deyib.
"O, unikal insandır, xüsusidir, super dahidir. Biz dahilərimizi qorumalıyıq. Bizdə belə insanlar çox deyil" - o, qeyd edib.
Donald Tramp prezident seçkilərində qalib gələcəyi təqdirdə İlon Maskı Hökumətin Səmərəliliyi Komissiyasına rəhbərlik etməyə dəvət etməyi planlaşdırır.
Bu komissiya saxtakarlığı və səmərəsizliyi aradan qaldırmaq üçün federal hökuməti yoxlayacaq və islahatlar aparacaq.
Mask bu təklifi qəbul etməyə hazır olduğunu bildirib.