"Təəssüf ki, qohumlarımın çoxu ölüb".
Ucnoqta.az manset.az-a istinadla xəbər verir ki, bunu Dövlət İmtahan Mərkəzi (DİM) sədri Məleykə Abbaszadə deyib.
Bu açıqlamaya səbəb taksi sürücüsü kimi fəaliyyət göstərən 1984-cü il təvəllüdlü Xəyal Abdıyev özünü Məleykə Abbaszadənin xalası oğlu kimi təqdim etməsidir. O, bir neçə nəfərə qarşı dələduzluq edib.
DİM sədri bildirib: “Ümumiyyətlə, mənim heç bir qohumum həbs olunmayıb. Bilmirəm kim özünü mənim qohumum adlandırıb. Yayılan məlumat haqqında mənim xəbərim yoxdur. Hər halda onun yalan danışması sübut olunub ki, məhkəmə ona cəza təyin edib. Təəssüf ki, mənim qohumlarımın çoxu ölüb”.
Xatırladaq ki, Xəyal Abdıyevə Bakı Ağır Cinayətlər Məhkəməsinin hökmü ilə Cinayət Məcəlləsinin 178.3.2-ci (Külli miqdarda dələduzluq) maddəsinə əsasən 7 il həbs cəzası verilib.