İlon Mask öz şirkəti Tesla tərəfindən yaradılmış Cybercab robot taksisini təqdim edib.
Ucnoqta.az xəbər verir ki, bu barədə Tesla-nın X səhifəsində məlumat paylaşılıb.
“Gördüyünüz kimi, mən bura robot taksi ilə gəldim. Düşünürəm ki, bizi parlaq gələcək gözləyir” - milyarder deyib.
Maskın sözlərinə görə, artıq ən azı 50 tam avtonom elektrik avtomobili var ki, onlar hətta sürücü üçün idarəetmə mexanizmləri ilə də təchiz olunmayıb, çünki sərnişinlərin daşınmasının tam avtonom şəkildə həyata keçiriləcəyi gözlənilir.
Sahibkarlar üçün bir robot taksinin qiyməti, Maskın fikrincə, 30 min dollar təşkil edəcək, xidmətdən istifadə edənlər isə səyahət üçün hər mil üçün təxminən 30-40 sent ödəyəcəklər.