Neft qiymətləri əvvəlki iki sessiyada azalmadan sonra çərşənbə günü bir qədər də ucuzlaşıb.
Ucnoqta.az xəbər verir ki, dünyada, xüsusən də Çində xammala tələbin zəifləməsi siqnalları, eləcə də Yaxın Şərqdə gərginliyin azalması qiymətlərə təsir edib.
Londonun ICE Futures birjasında Brent markalı neftin oktyabr fyuçerslərinin qiyməti bir barel üçün 77,12 dollar təşkil edir ki, bu da əvvəlki ticarətin bağlanışına nisbətən 0,08 dollar (0,1%) azdır.
Nyu-York əmtəə birjasında (NYMEX) elektron hərraclarda oktyabr ayı üçün WTI neftinin qiyməti bu dəfə 0,09 dollar (0,12%) ucuzlaşaraq 73,08 dollar/barelə bərabər olub.