Dünyanın ən böyük investisiya banklarından biri olan "Morgan Stanley International"ın direktorlar şurasının sədri Conatan Blumer İtaliyanın Siciliya sahillərində yaxta qəzası nəticəsində itkin düşüb.
Ucnoqta.az xəbər verir ki, bu barədə “The Guardian” qəzeti Siciliya Mülki Müdafiə Xidmətinin baş direktoru Salvatore Koçinaya istinadən məlumat yayıb.
Onun sözlərinə görə, Blumer gəminin itkin düşən 6 sərnişini arasında Clifford Chance-in vəkili Kris Morvillo ilə birlikdədir.
Qeyd olunur ki, xilasedicilər yaxtaya sahib olan milyonçu Maykl Linçin həyat yoldaşı Anjela Bakaresi xilas edə bilib. Linç və onun 18 yaşlı qızı Hannanın taleyi hələ də məlum deyil.
“The Times” qəzetinin məlumatına görə, itkin düşənlər arasında Blumerin həyat yoldaşı Ann da var. Yaxtanın aşpazının ölümü təsdiqlənib, onun cəsədi dalğıclar tərəfindən aşkar edilib.