Portuqaliya millisi ilə 2016-cı il Avropa çempionu, müdafiəçi Pepe İnstaqramda 41 yaşında futboldan ayrıldığını açıqlayıb.
Ucnoqta.az xəbər verir ki, futbolçu qazandığı bütün kubokları əks etdirən video yayımlayıb və şərhə “Təşəkkür edirəm” yazıb.
Ümumilikdə o, 2007-ci ildən millidə 141 oyun keçirib və klub səviyyəsində əsas uğurlarını "Real Madrid" və "Porto" ilə əldə edib.
Pepe Braziliyada doğulub və futbola vətənində başlayıb. 2002-ci ildən Portuqaliyanın "Maritimo" və "Porto" komandalarında çıxış edib. 2007-2017-ci illərdə o, "Real Madrid"in oyunçusu olub və onlarla üç dəfə Çempionlar Liqasının qalibi olub. Daha sonra “Beşiktaş”a yollanıb, 2019-cu ildə isə “Portu”ya qayıdıb.