Hindistan Şərqi Ladaxda Çinlə Faktiki Nəzarət Xətti yaxınlığında genişmiqyaslı hərbi manevrlərə başlayıb.
Ucnoqta.az xəbər verir ki, bu abrədə ANI agentliyi məlumat yayıb. Bildirilir ki, təlimlərdə Hindistan Silahlı Qüvvələrinin Şimal Komandanlığının zərbə ordusu korpusunun tank, artilleriya və piyada hərbi hissələri iştirak edir.
Manevrlərin məqsədi ən müasir silahlardan istifadə etməklə yüksək dağlıq ərazidə döyüş əməliyyatlarının yeni konsepsiyalarını qoşunlara təqdim etməkdir.
Manevrlər Hindistan-Çin sərhədində Ladaxda davam edən gərginlik və iki ölkənin qoşunlarını sərhəd bölgələrindən tez bir zamanda çıxarmaq üçün davam edən səyləri fonunda keçirilir.