"Forsaj" filminin ulduzu Vin Dizel Münhendə tanımadığı adamların toyuna qatılıb.
Ucnoqta.az xəbər verir ki, yeni evlənənlər videonu sosial şəbəkələrdə yayıblar.
Münhendə yeni evlənənlər üçün fotosessiya zamanı küçədə limuzin dayanıb. Kostyumlu bir sürücü çıxıb və cütlüyü bu münasibətlə təbrik etmək istədiklərini bildirib. Bu zaman Vin Dizel maşından düşüb.
Aktyor yeni filmə çəkilməyə getdiyini, lakin dayanıb bəylə gəlini təbrik etməyə qərar verdiyini deyib.
Sosial şəbəkələrdə yayılan video bir neçə gün ərzində dörd milyondan çox baxış toplayıb.