UEFA Ukraynanın “Dnepr-1” klubunu 2024/25 mövsümü üçün Konfrans Liqasından kənarlaşdırıb.
Ucnoqta.az xəbər verir ki, Apellyasiya Komitəsi Konfrans Liqasının II təsnifat mərhələsinin Macarıstanın “Puşkaş Akademiyası” klubu ilə matçlarında “Dnepr-1”ə iki texniki məğlubiyyət verib. Ukrayna klubu iyulun 25-i və avqustun 1-nə planlaşdırılan oyunları keçirə bilməyəcəyi üçün cəzalandırılıb.
Macarıstanın Puşkaş Akademiyası seçmə mərhələnin növbəti mərhələsinə yüksəlib.
Dnepr-1 2015-ci ildə yaradılıb. Klubun ən yaxşı nailiyyəti UPL-də ikinci yer tutması və 2022/23 mövsümündə Konfrans Liqasının pley-off mərhələsinə yüksəlməsidir. Ukrayna çempionatının son mövsümündə klub dördüncü yeri tutmuşdu.
