Ukrayna baş nazirinin birinci müavini - iqtisadiyyat naziri Yuliya Sviridenko Kiyev və Aİ arasında növbəti dörd il ərzində "Ukraine Facility" proqramı çərçivəsində 5,27 milyard avro məbləğində qrant yardımının alınmasını tənzimləyən maliyyə sazişini imzalayıb.
Ucnoqta.az xəbər verir ki, bu barədə Ukrayna Nazirlər Kabinetinin mətbuat xidməti məlumat yayıb.
Qeyd olunur ki, kreditlər və qrantlar daxil olmaqla, Ukrayna Mexanizminin birinci komponenti çərçivəsində büdcə dəstəyi 2024-cü ildə 38,27 milyard avro təşkil edəcək.
Nazirlər Kabineti əlavə edib ki, Ukrayna 16 milyard avro dəstək alacağını gözləyir. Aİ şərtlərinə uyğun olaraq, rüblük olaraq vəsaitlərin daxil olması gözlənilir.
