Ermənistanda Haybusak Universitetinin rektoru 2013-2017-ci illər ərzində universitetin İcevan filialına qəbul olunmaq üçün bir sıra şəxslərdən rüşvət alıb.
Ucnoqta.az erməni mətbuatına istinadən xəbər verir ki, Haybusak Universitetinin rektoru universitetə qəbul olmaq adı ilə 15 milyon dram rüşvət alıb. 6 may 2024-cü ildə prokuror universitet rektoru və bir sıra əməkdaşlara qarşı dövlət cinayət işi açıb. İbtidai istintaq davam edir.
2024-cü il iyunun 10-da İrəvan prokuroru Rafael Manukyan Ermənistan Respublikasının Təhsil, Elm, Mədəniyyət və İdman Nazirliyinin baş katibinə göstərilən saxta diplomların etibarsız hesab edilməsi məsələlərini müzakirə etmək üçün, Haybusak Universitetinin lisenziyalaşdırma səlahiyyəti və hazırkı rektorun vəzifəsindən uzaqlaşdırılması ilə bağlı ərizə göndərib.