Tayvan silahlı qüvvələri səhər saatlarında Çin Xalq Azadlıq Ordusunun 20-dən çox təyyarəsinin yaxınlaşmasını qeydə alıb.
Ucnoqta.az xəbər verir ki, bu barədə adanın müdafiə departamenti məlumat yayıb. Bildirilir ki, yerli vaxtla saat 08:20-dən başlayaraq adaya yaxınlaşan 23 Çin təyyarəsi, o cümlədən J-16 qırıcıları, Y-8 təyyarələri və pilotsuz uçuş aparatları qeydə alınıb. Bunlardan 16 təyyarə Tayvan boğazının median xəttini keçərək adanın şimal, mərkəzi və cənub-qərb hissəsində hava hücumundan müdafiə identifikasiyası zonasına daxil olub.
Bundan əlavə, bazar ertəsi səhər saat 06:00-dan çərşənbə axşamı saat 06:00-a qədər olan müddətdə Tayvan Silahlı Qüvvələri 19 təyyarə və doqquz gəminin, eləcə də dörd ÇXR dəniz polisinin gəmisinin yaxınlaşmasını qeydə alıb.
Ən azı 17 təyyarə Tayvan boğazının median xəttini keçərək adanın şimal və cənub-qərb hissələrində hava hücumundan müdafiə identifikasiyası zonasına daxil olub.