Çinin Galactic Energy şirkəti və Taiyuan Kosmodromunun buraxılış mərkəzi dörd Tianqi (Tianqi) peykini verilmiş orbitə uğurla çıxarıb.
Ucnoqta.az TASS-a istinadən xəbər verir ki, bu məqsədlə Şərqi Şandun əyalətinin sahilləri yaxınlığında Sarı dənizdə barjada quraşdırılmış platformadan istifadə edilib.
WeChat sosial şəbəkəsindəki Galactic Energy səhifəsində qeyd edildiyi kimi, buraxılış Pekin vaxtı ilə saat 16:12-də Ceres-1 daşıyıcı raketindən istifadə etməklə həyata keçirilib. Bu kosmik gəmilərdən (25, 26, 27 və 28 nömrəli Tianqi peykləri) əşyaların interneti sahəsində layihələrin həyata keçirilməsi zamanı rabitənin dəstəklənməsi üçün istifadə olunacaq.
