İran prezidenti İbrahim Rəisinin qəzaya uğrayan helikopterinin pilotu digər iki helikopterin pilotları ilə əlaqə saxlaya bilib.
Ucnoqta.az xəbər verir ki, bu İran Silahlı Qüvvələrinin Baş Qərargahının açıqlamasında deyilir. Həmçinin bildirilir ki, Rəisiyə məxsus helikopter yalnız dağla toqquşduqdan sonra alovlanıb. Qəzaya uğramış helikopterin qalan komponentlərində güllə izləri və ya oxşar hallar müşahidə olunmayıb.
Rəisinin vertolyotunun axtarışları duman, soyuq və çətin relyefə görə bütün gecə davam edib. Baş Qərargah iddia edib ki, qəza yerini İrana məxsus PUA tapıb.
Qeyd edək ki, Türkiyə tərəfi qəza yerini ilk Akınçı PUA-nın tapdığını bildirmişdi.