Gürcüstan parlamenti plenar iclasda xarici agentlər haqqında qanun layihəsinin ikinci oxunuşda müzakirəsinə başlayıb.
Ucnoqta.az xarici mətbuata istinadən xəbər verir ki, deputatlar layihəyə maddə-maddə baxırlar. Parlament çoxluğunun lideri Mamuka Mdinaradze artıq bəyan edib ki, qanun layihəsinin müzakirəsi bir günə tamamlanmaya bilər və o, növbəti günə təxirə salınacaq.
Qeyd edək ki, aprelin 29-da Milli Məclisin Hüquq məsələləri komitəsi “Xarici agentlər haqqında” qanun layihəsini ikinci oxunuşda dəstəkləyib.
Aprelin 17-də Gürcüstan parlamenti “Xarici təsirin şəffaflığı haqqında” qanun layihəsini birinci oxunuşda təsdiqləyib.