Çin ABŞ-ın Asiya-Sakit okean regionunda orta mənzilli raketlər yerləşdirməsinə qarşıdır və Vaşinqtonu digər ölkələrin təhlükəsizlik maraqlarına hörmət etməyə çağırır.
Ucnoqta.az xəbər verir ki, bu barədə Çin Xarici İşlər Nazirliyinin rəsmi nümayəndəsi Mao Ninq brifinqdə bildirib.
Nazir qeyd edib ki, Çin ABŞ-ın Asiya-Sakit Okean regionunda orta mənzilli raketlər yerləşdirməsinə və hərbi sahədə birtərəfli üstünlük əldə etmək üçün onların ÇXR sərhədləri yaxınlığında yerləşdirilməsinin intensivləşdirilməsinə həmişə qətiyyətlə qarşı çıxıb.
Mao Ning Vaşinqtonu digər dövlətlərin təhlükəsizlik maraqlarına səmimi hörmətlə yanaşmağa və Asiya-Sakit okean regionunda sülh və sabitliyə xələl gətirməyi dayandırmağa çağırıb.