ABŞ və İsrail İrandan mümkün hücum xəbərləri fonunda ordularını yüksək hazırlıq vəziyyətinə gətirib.
Ucnoqta.az xəbər verir ki, bu barədə New York Times (NYT) mənbələrə istinadən yazıb.
Məlumata görə, bölgədəki ABŞ hərbçiləri yüksək döyüş hazırlığı vəziyyətinə gətirilib. İsrail həmçinin ordusunu yüksək hazırlıq vəziyyətinə gətirib, hərbçilərin məzuniyyətini ləğv edib, hava hücumundan müdafiə bölmələri üçün bəzi ehtiyat qüvvələrini çağırıb və GPS siqnallarını bloklayıb.
Həmçinin, iki İran rəsmisinin sözlərinə görə, İrandakı silahlı qüvvələr də yüksək hazırlıq vəziyyətinə gətirilib.