Avstraliyanın cənubunda balıqçı gəmisinin batması nəticəsində itkin düşdüyü bildirilən iki nəfər ölü tapılıb.
Ucnoqta.az xəbər verir ki, bu barədə Cənubi Avstraliya əyalət polisi məlumat yayıb.
Axtarışların ilk günündə sağ qalan iki dənizçi - 44 yaşlı kişi və 13 yaşlı oğlan, həmçinin bir balıqçının meyiti tapılıb. Daha iki ekipaj üzvü itkin düşmüş hesab edilib.
Agentliyin məlumatına görə, çərşənbə günü axtarış-xilasetmə əməliyyatı zamanı itkin düşən iki dənizçinin cəsədi tapılıb.
"Səhər saatlarında dördüncü şəxsin, 71 yaşlı kişinin cəsədi, daha sonra isə batan gəminin beşinci ekipaj üzvünün cəsədi aşkar edilib", - polis qeyd edib.
Gəmi Port-Linkoln sahil zolağında batıb.