Gürcüstan millisi 2024-cü il futbol üzrə Avropa çempionatında iştirak hüququ uğrunda final pley-off matçında Yunanıstan yığmasına qalib gəlib.
Ucnoqta.az xəbər verir ki, görüş Tbilisidə baş tutub.
Matçın əsas və əlavə vaxtı 0:0 hesabı ilə başa çatıb. Penaltilər seriyasında gürcü futbolçular daha dəqiq olub - 4:2.
Gürcüstan millisi ilk dəfə Avropa çempionatının final mərhələsində çıxış edəcək. Yunanıstanlı futbolçular ardıcıl üçüncü dəfə qitə birinciliyinə vəsiqə qazana bilməyiblər. Yunanıstan komandası 2004-cü il Avropa çempionatının qalibidir.